Misli Premyer Liqasında bazar dəyəri ən yüksək olan futbolçuların siyahısı yenilənib.

Prosport.Az xəbər verir ki, bu barədə "Transfermarkt” onlayn portalı məlumat yayıb.

"10-luğ"un ilk 8 pilləsində "Qarabağ"ın üzvləri yer alıblar. Leandro Andrade (qiyməti yüksəlib) və Juninyu 2 milyon avro ilə 1-2-ci pillələri bölüşdürürlər.

Azərbaycan millisinin üzvü Nəriman Axundzadənin qiyməti 1,8 milyon avroya yüksəlib. O, Ağdam təmsilçisindəki komanda yoldaşı Aleksey Kaşşukla birlikdə 3-4-cü sıralardadır. Ölkə çempionunun qapıçısı Mateuş Koxalski 1,5 milyon avro ilə 5-cidir.

Emmanuel Addai və Toral Bayramovun da bazar dəyəri qalxıb. Onlar Yassin Benziya ilə birlikdə 1,2 milyon avro qiymətləndiriliblər və müvafiq olaraq 6, 7 və 8-ci yerdədirlər.

"Sabah"dan Pavol Şafranko 1 milyon avro ilə 9-cudur. "Neftçi"də çıxış edən və qiyməti düşən Yuri Matiasın da bazar dəyəri 1 milyon avro göstərilib.