Polşanın Krakuf şəhəri və Mavopolska regionunda təşkil olunan Avropa Oyunlarında iştirak edəcək çimərlik futbolu üzrə Azərbaycan millisinin heyətində bir dəyişiklik olub.

Prosport.Az xəbər verir ki, AFFA-nın bu gün açıqladığı siyahı ilə Gənclər və İdman Nazirliyinin daha əvvəl açıqladığı siyahı arasında fərqdən bunu anlamaq olur.

Belə ki, Kamil Hüseynovu vaxtı ilə böyük futbolda oynamış Hüseyn Axundov əvəzləyib.

Qapıçılar: Elçin Qasımov, Vaqif Şirinbəyov

Oyunçular: Comərd Baxşəliyev, Elşad Manafov, Orxan Məmmədov, Fuad Hüseynov, İsa Zeynallı, Sabir Allahquliyev, Ramil Əliyev, Kamran Qürbətov, Amid Nəzərov, Hüseyn Axundov

Qeyd edək ki, Azərbaycan yığması ilk matçını iyunun 27-də meydan sahiblərinə qarşı keçirəcək. Komanda bir gün sonra Portuqaliya ilə, iyunun 29-da isə İspaniya ilə üz-üzə gələcək.