“Zirə"nin yay hazırlıq planı müəyyənləşib.

Prosport.Az xəbər verir ki, iyunun 23-də bir araya gələcək paytaxt təmsilçisi iyulun 17-nə qədər məşqlərini Bakıda keçirəcək. “Qartallar” hazırlığın birinci mərhələsində 2 yoxlama oyunu keçirəcək.

Komanda iyulun 18-də toplanışın ikinci mərhələsi üçün Türkiyəyə yola düşəcək. "Zirə" Bolu şəhərində "Vonresort" otelində məskunlaşacaq. Komandamız bu müddətdə 3 yoxlama oyunu keçirəcək. Matçların detalları ilə bağlı məlumat qarşıdakı günlərdə veriləcək.