UEFA Avropa Liqasında "Qarabağ"la oyun Fransanın "Lion" klubunun 2 futbolçusu üçün əlamətdar ola bilər.

Prosport.Az xəbər verir ki, bunlar hücumçu Aleksandr Lakazett və qapıçı Lukas Perridir.

Fransalı forvard Bakıdakı qarşılaşmada meydana çıxacağı təqdirdə "Lion" forması ilə turnirdə 30-cu oyununu keçirəcək.

İlin əvvəlində transfer edilən braziliyalı qolkiper isə komandada ümumilikdə 20-ci görüşünü keçirə bilər.

Qeyd edək ki, UEFA Avropa Liqasının Liqa mərhələsinin V turunun noyabrın 28-də Tofiq Bəhramov adına Respublika stadionunda təşkil ediləcək "Qarabağ" – "Lion" oyunu saat 21:45-də start götürəcək.