Fransanın “Lion” komandası UEFA Avropa Liqasının əsas mərhələsinin V turunda "Qarabağ"a qarşı keçirəcəyi oyunda aparıcı futbolçularına istirahət verə bilər.

Prosport.Az xəbər verir ki, Liqa 1 təmsilçisinin baş məşqçisi Pyer Sajın Bakıdakı matçda daha az oynayan oyunçulara şans verəcəyi gözlənilir.

Hücumçu Aleksandr Lakazett, yarımmüdafiəçi Nemanya Matiç və müdafiəçi Abner Vinisius Bakıdakı qarşılaşmanı ehtiyat oyunçular skamyasından izləyə bilər. Əvəzində isə bu mövsüm meydanda az vaxt keçirən Vilfred Zaa, Maksans Kakere və Jordan Veretunun oyuna start heyətində başlamaq ehtimalı var.

Qeyd edək ki, noyabrın 28-də Tofiq Bəhramov adına Respublika stadionunda keçiriləcək “Qarabağ” – “Lion” matçı saat 21:45-də başlayacaq.