I Liqanın VIII turunun hazırlığını davam etdirən “Qəbələ” yoxlama oyunu keçirib.

Prosport.Az xəbər verir ki, “qırmızı-qaralar” Ağcabədinin “Olimpiya” komandası ilə üz-üzə gəlib. Ötən mövsüm Həvəskarlar Liqasının qalibi olmuş və bu ildən Region Liqasında debüt edəcək komanda ilə matç Qəbələ şəhər stadionunda baş tutub.

Görüş Kaxaber Sxadadzenin yetirmələrinin üstünlüyü ilə keçib. İlk 45 dəqiqədə 9 qol vuran “Qəbələ” fasilədən sonra daha 11 dəfə fərqlənərək hesabı 20:0-a çatdırıb.

"Qəbələ"nin heyətində Elşad Tağıyev 4, Rəvan Əsədov 3, Oçe Oçoveçi, Ruslan Voronsov və Prins Ovusu hərəyə 2 qola imza atıb. Nuqay Rəşidov, Nicat Əliyev, Şahin Şahniyarov, Murad Musayev, Vüqar Həsənov, Abdullahi Şuaybu və Samir Həsənov hərəyə 1 dəfə fərqlənib.

Qeyd edək ki, sabah daha bir yoxlama oyunu keçirəcək “Qəbələ” I Liqa klubu “Zaqatala” ilə üz-üzə gələcək. Qəbələ şəhər stadionundakı matç saat 15:00-da başlayacaq