Azərbaycanın 21 yaşadək futbolçulardan ibarət yığmasının yeni baş məşqçisi müəyyənləşib.

Prosport.Az sport24.az-a istinadən xəbər verir ki, Samir Əliyevin boş qoyduğu post yerli mütəxəssisə tapşırılacaq.

AFFA rəhbərliyi ümid yığmasının "sükanı arxasına" Arif Əsədovu dəvət etməyi planlaşdırır. Mənbənin sözlərinə görə, bu barədə şifahi razılaşma əldə olunub. İcraiyyə Komitəsinin növbəti iclasında təyinat rəsmiləşəcək.

Qeyd edək ki, Fernandu Santuşun əsas yığmaya təyinatından sonra Arif Əsədov millidən ayrılıb və hazırda AFFA-nın yanında təşkil olunan məşqçi kurslarında təlimatçı kimi fəaliyyət göstərir.