"Dünən yenə Azərbaycan futbolu qara günlərindən birini yaşadı".

Prosport.Az “APA-Economics” ə istinadən xəbər verir ki, bunu Milli Məclisin Gənclər və idman, İctimai birliklər və dini qurumlar, Mədəniyyət komitələrinin birgə iclasında “Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsi zamanı Gənclər və idman komitəsinin sədri Şahin İsmayılov deyib.

“Biz artıq 30 ilə yaxındır ki, bu hissləri yaşamağa davam edirik. Nəyə görə biz hər zaman böyük hesablı məğlubiyyətləri görürük? Digər təhlükəli tərəfi odur ki, aşağı yaş qruplarında nəticələr ürəkaçan deyil. Hər bir idmançı üzərində daşıdığı formanın məsuliyyəti dərk etməlidir”, – deyə komitə sədri vurğulayıb.

Xatırladaq ki, dünən Azərbaycan millisi İsveçə 0:6 hesabı ilə uduzub. Milltlər Liqasında qrupun yekun nəticəsinə əsasən, Azərbaycan millisi D Liqasına düşüb.