Azərbaycan yığması UEFA Millətlər Liqasının qrup mərhələsində İsveçə böyük hesabla məğlub olub.

Prosport.Az xəbər verir ki, komanda C Liqasının I qrupunun son matçında 0:6 hesabı ilə uduzub.

"Stroberri Arena"da baş tutan qarşılaşmada Deyan Kulusevski (10, 57) dubl edib. Viktor Dyökereş (26, 37, 58, 70) isə poker müəllifi olub.

Qeyd edək ki, bu nəticənin ardından C Liqasını 1 xalla sonuncu sırada tamamlayan Fernandu Santuşun rəhbərlik etdiyi yığma D Liqasına yuvarlanıb.

10:08

Azərbaycan yığması UEFA Millətlər Liqasının qrup mərhələsində bu gün sonuncu oyununa çıxacaq.

Prosport.Az xəbər verir ki, komanda C Liqasının I qrupunun matçında İsveçlə qarşılaşacaq.

Görüşün start fiti Bakı vaxtı ilə saat 23:45-də səslənəcək.

Qarşılaşmanı Polşadan olan FIFA referisi Pavel Raçkovski idarə edəcək.

Azərbaycan millisi daha əvvəl Estoniya (1:3, 0:0), Slovakiya (0:2, 1:3) və İsveç (1:3) ilə qarşılaşıb.

UEFA Millətlər Liqası

VI tur

19 noyabr

C Liqası, I qrup

23:45. İsveç - Azərbaycan

Baş hakim: Pavel Raçkovski (Polşa).

Solna, "Stroberri Arena".

Qeyd edək ki, I qrupda İsveç 13 xalla liderdir. Yığmamız 1 xalla sonuncu pillədə qərarlaşıb.