"Cüzi də olsa, C Liqasında qalmaq şansımız var".

Prosport Az xəbər verir ki, bunu Azərbaycan millisinin futbolçusu Mahir Emreli İsveç yığmasına qarşı keçirəcəkləri Millətlər Liqasının C Divizionunun VI tur oyunundan öncə baş tutan mətbuat konfransında deyib.

O, sabah güclü rəqibə qarşı mübarizə aparacaqlarını bildirib: "Cüzi də olsa şansımız var, rəqib bizə çox yaxşı tanışdır. Yaxşı çıxış edib, uğurlu nəticə qazanmaq istəyirik. Hər bir hücumçunun istəyi qol vurmaqdır. Lakin qolu kimin vurmasından asılı olmayaraq, əsas yığmanın uğurlu nəticə qazanmasıdır".

Qeyd edək ki, noyabrın 19-da Solna şəhərində keçiriləcək İsveç – Azərbaycan matçının start fiti Bakı vaxtı ilə saat 23:45-da səsləndiriləcək.