"Araz-Naxçıvan"ın futbolçusu Mustafa Əhmədzadənin yığmanın İsveçə aparılacaq heyətindən çıxarılmasının səbəbi bilinib.

AFFA-nın mətbuat xidmətinin rəhbəri Elnur Məmmədlinin Prosport.Az-a verdiyi məlumata görə, buna səbəb gənc futbolçunun İsveçə Şengen vizası ala bilməməsidir.

Bu səbəbdən də mərkəz yarımmüdafiəçisi millidə debüt etməmiş yığmanın heyətindən çıxarılıb.

Qeyd edək ki, Elvin Cəfərquliyev və Rahil Məmmədov da İsveçə aparılmayacaq. Buna səbəb sözügedən futbolçuların müvafiq olaraq cəza (vərəqə limitini doldurub) və zədə ilə üzləşməsidir.

Səbuhi Musa