Azərbaycan millisinin daha 3 futbolçusu səfərdə İsveçə qarşı keçiriləcək UEFA Millətlər Liqasının sonuncu - VI turunun matçını buraxacaq.

Prosport.Az-ın Qəbələyə ezam olunan əməkdaşı xəbər verir ki, Rahil Məmmədov sözügedən qarşılaşmada komandaya kömək edə bilməyəcək.

Buna Polşanın "Radomyak" klubunda çıxış edən mərkəz müdafiəçinin Qəbələdə Estoniya ilə qolsuz bitən görüşdə zədələnməsi səbəb olub.

Məmmədov buna görə İsveçə aparılmayacaq. Estoniya ilə oyunda sarı vərəqə alaraq cəzalı duruma düşən "Qarabağ"ın cinah müdafiəçisi Elvin Cəfərquliyev də meydana çıxmayacaq.

Həmçinin, "Araz-Naxçıvan"dan çağırılmış mərkəz yarımmüdafiəçisi Mustafa Əhmədzadə heyətdən çıxarılıb.

Əvəzində cəzasını başa vurmuş Mahir Emreli növbəti matçda meydanda ola biləcək.

Qeyd edək ki, noyabrın 19-da reallaşacaq İsveç – Azərbaycan matçının start fiti Bakı vaxtı ilə saat 23:45-də səsləndiriləcək.