Türkiyənin "TRT Belgesel" telekanalı “Qarabağ” Futbol Klubu barədə iki hissəlik sənədli film çəkib.

Prosport.Az xəbər verir ki, “Qol atan cəbhəyə" adlı film artıq telekanalda yayımlanıb və Türkiyədə müsbət reaksiyalar doğurub.

Filmdə “Qarabağ” klubunun nümayəndələri, Ağdam şəhərindən olan bir neçə ziyalı, “Qarabağ”ın azarkeşləri və Azərbaycanın Milli Qəhrəmanı Allahverdi Bağırovun bacısı Almaz Bağırova müsahib qismində iştirak edib.

Həmin filmin tezliklə Azərbaycan telekanallarından birində də yayımlanacağı gözlənilir.

Qeyd edək ki, Türkiyənin “TRT Spor” kanalında tanınmış jurnalist Levent Özçəlikin aparıcısı olduğu verilişdə “Qol atan cəbhəyə” filmindən, eləcə də “Qarabağ” komandasının çıxışından danışılıb. Özçəliklə yanaşı filmin ssenari müəllifi Ərdal Hoş və ekspert Mustafa Sapmaz da fikirlərini bildirib.