"Səbail"in yeni baş məşqçisi bilindi. Bu, növbəti mövsümün sonunadək komanda baş məşqçi təyin olunan Cavid Hüseynovdur. O, "Turan Tovuz"un məşqçilər korpusundan ayrılaraq "Səbail"dən gələn təklifi dəyərləndirdi.

Prosport.Az 36 yaşlı məşqçinin indiyədək yarıyolda qoyduğu klublara nəzər salıb.

2019-cu il. "Qəbələ" – kapitan olarkən komandanın maliyyəsinin pis olmasına görə "Zirə"dən gələn təklifi qəbul etdi. 1 mövsüm sonra səhvini başa düşərək yenidən "Qəbələ"yə qayıtdı.

2022-ci il. "Cəbrayıl" – özünün yaratdığı və baş məşqçisi olduğu komandanı "Şamaxı"da köməkçi məşqçi vəzifəsinə dəyişdi. Mövsümün sonunda komanda Premyer Liqadan düşüncə, yenidən "Cəbrayıl"a qayıtdı

2024-cü il. "Cəbrayıl" – komanda I Liqaya vəsiqə qazansa da, yenə Premyer Liqadan gələn təklifə "yox" deyə bilmədi. Bu dəfə "Turan Tovuz"da Qurban Berdiyevin köməkçisi oldu

2024-cü il. "Turan Tovuz" – Şahin Diniyevdən boşalan, autsayderlərdən olan "Səbail"dən gələn təklifə bu dəfə "yox" demək cəsarətini özündə tapmadı. Halbuki Berdiyev kimi təcrübəli məşqçinin əlinin altında yaxşı "bişmək" və ilk dəfə məşqçi kimi avrokubokda çıxış etmək şansı vardı