Azərbaycanın U-18 qızlardan ibarət basketbol millisi Avropa çempionatının B divizionunda son oyununu keçirib.

Prosport.Az xəbər verir ki, 9 avqustda Rumıniyanın Tulça şəhərində təşkil olunan turnirdə 17-20-ci yerlər uğrunda qarşılaşmada millimiz Norveç yığması ilə üz-üzə gəlib.

Azərbaycan seçməsi turnirdəki son matçında rəqibinə 77:48 hesabı ilə qalib gəlib.

Qarşılaşmanın ən məhsuldar basketbolçusu və MVP-si Azərbaycan millisinin üzvü Polina Şukina olub. O, görüşü 25 xal və 22 ribaundla başa vurub.

Beləliklə, U-18 qız millimiz Avropa çempionatının B divizionunda mübarizəni 20 komanda arasında 17-ci pillədə tamamlayıb.