“Formula 1” üzrə dünya çempionatında mövsümün 2-ci yarışının qalibi bəlli olub.

Prosport.az xəbər verir ki, Səudiyyə Ərəbistanında keçirilən Qran Prini “Red Bull” pilotu Serxyo Peres qazanıb.

2-ci yeri onun komanda yoldaşı Maks Verstapen tutub. İlk “3-lüy”ü “Aston Martin”dən Fernando Alonso tamamlayıb.

Maraqlıdır ki, bu pilotlar Bəhreyndəki mövsümün ilk Qran Prisində də ilk “3-lük”də qərarlaşıblar. Yeganə fərq ondadır ki, 2 həftə əvvəlki yarışda Verstapen 1-ci, Peres 2-ci olmuşdu.

Qeyd edək ki, bu mövsüm Azərbaycan Qran Prisi 28-30 apreldə baş tutacaq.