Serbiyanın paytaxtı Belqradda taekvondo üzrə Avropa çempionatı davam edir.

Prosport.Az xəbər verir ki, yarışın 2-ci günündə Azərbaycan millisi ilk medalını qazanıb.

Komandamızın aktivinə mükafatı Həşim Məhəmmədov (58 kq) yazdırıb. O, yarışa rumıniyalı Tristan Skutaru üzərində qələbə ilə başlayıb – 2:0. Taekvondoçumuz 1/8 finalda Xaled Abdel Halimə (Almaniya) 2:1 hesabı ilə qalib gəlib. Dağıstan əsilli legioner ardınca 2022-ci ilin Avropa finalçısı Cek Vulini (İrlandiya) də eyni hesabla məğlub edib.

Taekvondoçumuzun yarımfinalda rəqibi olimpiya və dünya çempionu Vito DellAkvila (İtaliya) olub. Gərgin keçən görüşdə Məhəmmədov məğlub olduğu üçün bürünc medala yiyələnib.

Qeyd edək ki, Həşim Məhəmmədov Azərbaycanı Olimpiadada təmsil edəcək yeganə idmançımız olacaq.