Taekvondo üzrə Azərbaycan millisi Birləşmiş Ərəb Əmirliklərində keçirilən Fuceyra açıq çempionatında daha bir medal qazanıb.

Prosport.Az xəbər verir ki, Ülvü Məmmədov uşaqların yarışında fəxri kürsünün üçüncü pilləsinə yüksəlib.

36 kq-da mübarizə aparan idmançı yarımfinaladək Özbəkistan, Qazaxıstan və BƏƏ taekvondoçularına 2:0 hesabı ilə qalib gəlib. Yarımfinalda misirli rəqibinə məğlub olan Məmmədov bürünc medalla kifayətlənib.

Qeyd edək ki, Azərbaycan böyüklərin yarışında 1 gümüş və 3 bürünc mükafat qazanıb.