Bu gün I Divizionda 2022/23-cü illər mövsümünün son turu keçirilib. 

Prosport.Az xəbər verir ki, Naxçıvanda "Zaqatala"nı qəbul edən "Araz Naxçıvan" 2:0 hesabı ilə qalib gəlib və xallarını 69-a çatdırıb.

Bu matçda dubl edən və cari mövsüm qollarının sayını 27-yə çatdıran Orxan Əliyevə çempionatın bombardiri kimi xüsusi mükafat təqdim olunub.

Oyundan sonra çempionluğu vaxtından əvvəl rəsmiləşdirmiş "Araz Naxçıvan"a kubok və qızıl medallar təqdim olunub. Təqdimat mərasimində Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi Fuad Nəcəfli, AFFA prezidenti Rövnəq Abdullayev, baş katib Sərxan Hacıyev, Naxçıvan Futbol Federasiyasının sədri Vüqar Abbasov və PFL prezidenti Elxan Səmədov iştirak edib. Mərasimdən sonra muxtar respublikanın tanınmış incəsənət xadimləri və Əməkdar artist Ədalət Şükürovun iştirakı ilə konsert proqramı olub.

Qeyd edək ki, XXX turun bütün oyunları eyni vaxtda keçirilib və aşağıdakı nəticələr qeydə alınıb: "Mingəçevir" - "Səbail-2" 2:2, MOİK - "Neftçi-2" 2:4, "Qəbələ-2" - "Qarabağ-2" 0:0, "Turan Tovuz-2" - "İmişli" 3:0, "Sumqayıt -2" - "Kəpəz-2" 3:2, "Zirə-2" - "Şamaxı-2" 2:2. 

59 xal yığan "Neftçi-2" çempionatın gümüş, 48 xal toplayan  "Turan Tovuz-2" isə bürünc medallarını qazanıb

Səbuhi Musa, Naxçıvan