Estoniyanın paytaxtı Tallində keçirilən taekvondo üzrə böyüklər arasında Olimpiya çəki dərəcələri üzrə və gənclər arasında Avropa çempionatının ilk günündə Azərbaycan idmançıları 3 medal qazanıb.

Prosport.Az xəbər verir ki, əsas yığmamızın liderlərindən Cavad Ağayev (68 kq) finala kimi inamla irəliləyib. Lakin həlledici görüşdə məğlub olan taekvondoçumuz gümüş medala yiyələnib.

Gənclərin Avropa çempionatında isə Səlimə Quliyeva (42 kq) da eyni uğuru təkrarlayıb. O da fəxri kürsünün 2-ci pilləsinə yüksəlib. Digər taekvondoçumuz Məhəmməd Həsənli (45 kq) isə 3-cü yerlə kifayətlənib.

Beləliklə, milli komanda ilk günü 2 gümüş və 1 bürünc medalla başa vurub.

Qeyd edək ki, Avropa çempionatı 3 gün davam edəcək.