Azərbaycanlı döyüş növləri ustası Fərman Həsənov karyerasında mühüm addım atıb.

Prosport.Az xəbər verir ki, idmançı dünyanın ən nüfuzlu döyüş təşkilatı olan UFC ilə rəsmi müqavilə imzalayıb.

Bildirilir ki, 5 qələbə və məğlubiyyətsiz seriyası ilə Fərman Həsənov diqqətləri üzərinə cəlb etməyi bacarıb. O, xüsusilə "Legacy Fighting Alliance" (LFA) turnirlərindəki uğurlu çıxışları ilə seçilib.

Velter çəki dərəcəsində mübarizə aparan azərbaycanlı idmançı bundan sonra UFC arenalarında döyüşəcək və ölkəmizi beynəlxalq səviyyədə təmsil edəcək.