Kikboksçu Bəhram Rəcəbzadə aprel ayında “Glory” təşkilatında keçirilməsi planlaşdırılan kəmər döyüşündə iştirak etməyəcək.

Prosport.Az xəbər verir ki, щ, məşq zamanı zədələndiyini açıqlayıb.

Bəhram Rəcəbzadə bildirib ki, ayağında əzələ yırtığı aşkarlanıb və yaxın günlərdə əməliyyat olunacaq. Bununla belə, o, "Glory 107" turnirini Niderlandda arenadan izləyəcəyini bildirib.

Qeyd edək ki, azərbaycanlı kikboksçu aprelin 25-də Rotterdam şəhərində baş tutmalı görüşdə Niderland vətəndaşı olan surinamlı Donavan Vise ilə qarşılaşmalı idi.