Azərbaycan idmançılarının Paris-2024 Yay Olimpiya Oyunlarında qazandığı və sonradan aşınmaya məruz qalan medalların geri qaytarılması ilə bağlı işlərə start verilib.

Prosport.Az xəbər verir ki, Beynəlxalq Olimpiya Komitəsi (BOK) məsələ ilə bağlı medalların istehsalçısı olan, LVMH şirkətinin tərkibində fəaliyyət göstərən “Şome” zərgərlik evinə müraciət edib. 

Şirkətdən bildirilib ki, sifariş növbəyə alınıb və aşınmaya məruz qalan medalların dəyişdirilməsi prosesi mərhələli şəkildə həyata keçirilir. 

Hazırda Azərbaycan idmançılarının aşınmış medallarının dəyişdirilməsi növbəsi çatıb. Bu günlərdə Milli Olimpiya Komitəsi medalları Fransaya göndərəcək və onlar yenisi ilə əvəz olunacaq. 

İlk növbədə taekvondoçu Həşim Məhəmmədovun və yunan-Roma güləşçisi Həsrət Cəfərovun medallarının göndərilməsi təmin ediləcək. 

Məlumata görə, yeni medalların hazırlanma müddəti təxminən 3-5 həftə davam edəcək.

Qeyd edək ki, Dağıstan əsilli taekvondoçumuz gümüş, güləşçimiz isə Paris Olimpiadasında bürünc medal qazanıb.