"Qarabağ"ın UEFA Çempionlar Liqasındakı rəqibi "Napoli" "Leypsiq"in yarımmüdafiəçisi Elif Elması icarəyə götürüb.
Prosport.Az xəbər verir ki, Şimali Makedoniya millisinin üzvü ilə 1 illik müqavilə imzalanıb.
Futbolçu 2023-cü ilin dekabrında "Napoli"dən Bundesliqa təmsilçisinə keçib. O, neapolluların heyətində ümumilikdə 189 oyun keçirib və 19 qol vurub.
Elmas ötən mövsümə "Leypsiq"də başlasa da, 2025-ci ilin yanvarında icarə əsasında "Torino"ya keçib. Turin komandasının tərkibində A Seriyasında 13 matçda 4 qol vurub.
Qeyd edək ki, “Napoli” və "Qarabağ" arasında oyun 5-ci tur çərçivəsində noyabrın 25-də Neapolda baş tutacaq.