İsveçrənin Nyon şəhərində UEFA Gənclər Liqasının Çempionlar Yolunun püşkatma mərasimi keçirilib. Püşkatmada yarışın 3 mərhələsinin cütlükləri müəyyən edilib.

Prosport.Az xəbər verir ki, UEFA Gənclər Liqasında ölkəmizi təmsil edən 2 klubdan biri olan “Sabah”ın U-19 komandası Çempionlar Yoluna II raunddan qoşulacaq.

Bu mərhələdə “Sabah”ın rəqibi Fransanın “Nant”klubunun gəncləri olacaq. II raundun ilk oyunları oktyabrın 22-də, cavab görüşləri noyabrın 5-də baş tutacaq. “Sabah” ilk oyununu səfərdə keçirəcək.

İlk raundun oyunları isə sentyabrın 17-də və oktyabrın 1-də baş tutacaq.

UEFA Gənclər Liqasında ölkəmizi “Sabah” və “Qarabağ”ın U-19 komandaları təmsil edirlər.

"Qarabağ"ın U-19 komandası UEFA Gənclər Liqasının Çempionlar Liqası Yolunda "Benfika" (Portuqaliya), "Kopenhagen" (Danimarka), "Atletik" (İspaniya), "Çelsi" (İngiltərə), "Napoli" (İtaliya) və "Ayaks"la (Niderland) qarşılaşacaq.