“Zirə” daha bir əcnəbi futbolçu ilə güclənəcək.

Prosport.Az-ın xəbərinə görə, baş məşqçi Rəşad Sadıqov Ekvatorial Qvineya millisinin sol cinah müdafiəçisi Bazilio Ndonqu bəyənib.

26 yaşlı futbolçu artıq Bakıdadır. O, tibbi baxışdan keçdikdən sonra "Zirə" ilə 2 + 1 illik müqavilə imzalayacaq. 

Qeyd edək ki, Bazilio Ndonq ölkəsində "Kano" İdman Akademiyasının yetirməsidir. O, Şimali Makedoniyada “Şkupi”, Belçikada “Vesterlo”, Norveçdə isə “Start” komandalarında çıxış edib. Onun son klubu Rumıniyanın "Universitatya" (Krakoviya) komandası olub. Ndonq 2016-cı ildən Ekvatorial Qvineya millisinin üzvüdür və burada 58 matçda forma geyinib.

Xatırladaq ki, "Zirə"nin heyətində Afrikanın başqa millilərində də çıxış edən futbolçular var. Müdafiəçi Anje Mutsinzi Ruanda, hücumçu İssa Cibrila Niger və yarımmüdafiəçi Qima Mozambik millisinə çağırılır.