"Qarabağ"ın sabiq futbolçusu Julio Romao Azərbaycana gəlib.

Prosport.Az xəbər verir ki, "Ferensvaroş"da çıxış edən braziliyalı yarımmüdafiəçi UEFA Çempionlar Liqası pley-off mərhələsinin cavab görüşü üçün Bakıya səfər edib.

Romao "Qarabağ"da birlikdə çıxış etdiyi, hazırda "Araz-Naxçıvan"ın formasını geyinən Patrik Andrade və Hamidu Heyta ilə görüşüb.

Qeyd edək ki, "Qarabağ" - "Ferensvaroş" qarşılaşması bu gün Tofiq Bəhramov adına Respublika Stadionunda keçiriləcək və saat 20:45-də başlacaq. İlk oyun Azərbaycan çempionunun 3:1 hesablı qələbəsi ilə yekunlaşıb.