Moskva “Dinamo”sunun Direktorlar Şurasının sədri Dmitri Qafin klubun yeni futbol məktəblərinin açılması planlarından danışıb.

Prosport.Az xəbər verib ki, o, klubun futbol məktəblərinin olduğu ölkələr arasında Azərbaycanın da adını çəkib.

Qafin "RB Sport"a açıqlamasında belə deyib: "Yeni Riqada açacağımız futbol məktəbi bizim 150-ci franşiza məktəbimiz olacaq. Şəbəkəmiz 25-dən çox Rusiya regionunu, 60-dan artıq şəhəri, həmçinin Belarus, Qazaxıstan, Azərbaycan, Özbəkistan və Türkmənistanı əhatə edir. Üstəlik, Burkino-Fasoda da məktəb açılması üzərində işləyirik. Ümumilikdə “Dinamo” sistemində 5 mindən çox uşaq futbolla məşğuldur və biz onları heç vaxt valideynlərinin maddi vəziyyətinə görə ayırmırıq. Bunların hamısı futbol oynamaq istəyən uşaqlardır və biz onların “Dinamo”da hərtərəfli inkişaf etməsi, klubumuzun tarixi və dəyərləri ilə tanış olması üçün əlindən gələni edəcəyik".