Premyer Liqanın debütantı "İmişli" müdafiə xəttinə daha bir legioner transfer edib.

Prosport.Az-ın əldə etdiyi məlumata görə, bu, kolumbiyalı sol cinah müdafiəçisi Edvin Banqeradır.

29 yaşlı müdafiəçi ölkəsinin "Amerika" klubunda (U-20) oynadıqdan sonra 2018-ci ildən Portuqaliyada legioner karyerası yaşamaqdadır. O, Portuqaliyanın "Salqeyruş", "Jil Visenti", "Kovilya" (icarə), "Felqeyraş" və "Mafra" komandalarında oynayıb. Onun son klubu "Felqeyraş" olub.

Ötən ay Edvin Banqeranın adı "Şamaxı" ilə çəkilsə də, klub bunu təkzib etmişdi.

Qeyd edək ki, müdafiənin sol cinahına "Sabah"ın əvəzedici komandasından Tuncay Yusifli transfer edilsə də, o, ilk 2 matçda ümidləri tam doğrultmayıb.