UEFA Çempionlar Liqasının seçmə mərhələsinin pley-off mərhələsinin Bakıda "Qarabağ"la Macarıstan "Ferensvaroş"u arasında keçiriləcək cavab oyunu öncəsi mətbuat konfranslarının vaxtı açıqlanıb.

Prosport.Az xəbər verir ki, sabah saat 13:30-da Tofiq Bəhramov adına Respublika stadionunda Qurban Qurbanovun mətbuat konfransı keçiriləcək. Saat 18:00-da Ağdam klubunun "Azərsun Arena" stadionunda son məşqi olacaq. 

Macarıstan çempionunun baş məşqçisi Robbi Kin saat 20:00-da mərkəzi arenada jurnalistlərlə görüşəcək. “Ferensvaroş”un Bakıda oyunöncəsi son məşqi planlaşdırılmayıb.

"Qarabağ" - "Ferensvaroş" matçı avqustun 27-də Tofiq Bəhramov adına Respublika stadionunda keçiriləcək və saat 20:45-də başlayacaq. İlk matçda "Qarabağ" 3:1 hesablı qələbə qazanıb.