Misli Premyer Liqasının II turunun “Turan Tovuz” – “Araz-Naxçıvan” oyunundan (1:2) sonra qonaq komandanın baş məşqçisi Qurban Berdiyev jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bölüşüb.

– Bərabərsəviyyəli komandaların oyununda həlledici qollar əsas rol oynayır. Standartda və ya bəzi epizodda konsentrasiya itirilir, diqqətsizlik olur. Təəssüf ki, künc zərbəsindən sonra qol buraxdıq. Əlimizə düşən imkanları da vura bilmədik.

– Serrano ötən mövsüm komandanın əsas açar futbolçusu idi. Bu mövsüm ilk turda əsas heyətdə meydana buraxmamışdınız. O, əsas heyətdə oynamağa nə vaxt hazır olacaq?
– Biz onu, Jonu, Filip Ozobiçi, Enrikeni də gözləyirik. İbrahima Vadji 90 dəqiqə oynamağa hazır deyil. Adlarını sadaladığım futbolçular toplanış keçməyiblər. Ümidvaram ki, növbəti turlarda oynayacaqlar.

– Denis Marandiçinin son durumu nə yerdədir?
– Denis təkrar əməliyyat edilib. Allaha şükür, uğurlu alındı. Əsa ilə yeriyir. Yavaş-yavaş ayağının üstünə basa bilir. Qışdan sonra sıramıza qoşulacaq.

– Oyunun sonundakı heyət növbəti turlarda əsas heyət olaraq meydana çıxa bilər?
– Biz onları elə oynamaq üçün dəvət etmişik. Əgər formada olsalar, start heyətində olacaqlar. Ola bilər ki, sistemi dəyişək.

– Çempionluğa iddialı “Turan Tovuz”u nə vaxt hazır görə biləcəyik?
– Çempionat yeni başlayıb. Mövsümün sonunda baxacağıq.

– Komandaya yeni oyunçular dəvət olunacaq?
– Axtarırıq, vaxt azdır.