Azərbaycan yığmasının hücumçusu Mahir Emreli Almaniyanın 2-ci Bundesliqasında növbəti oyununa çıxıb.

Prosport.Az xəbər verir ki, o, III turda "Kayzerslautern"in əsas heyətində yer alıb.

Səfərdə "Elversberq"in qonağı olan Mahirin komandası məğlubiyyət acısı yaşayıb. Qarşılaşma meydan sahiblərinin 2:1 hesablı qələbəsi ilə yekunlaşıb. Emreli görüşün 72-ci dəqiqəsində əvəzlənib.

Qeyd edək ki, "Kayzerslautern" ilk 3 turda 2-ci dəfə uduzub, bir matçda isə qalib gəlib. Komandanın növbəti rəqibi "Darmştadt" olacaq.