Azərbaycanın "Araz-Naxçıvan" futbol klubunun sağ cinah yarımmüdafiəçisi Çarles Boli xarici klubun diqqət mərkəzinə düşüb.

Prosport.Az azerisport-a istinadən xəbər verir ki, 26 yaşlı futbolçunu Yunanıstanın OFI klubu heyətinə qatmaq istəyir. Yunanıstan çempionatında oynayan klub onun transfer məsələsini bu ay həll etməyi planlaşdırır. Əgər transfer planı baş tutmasa, yunanlar qış transfer pəncərəsi zamanı Bolini sıralarına qatmağa cəhd edəcəklər.

Qeyd edək ki, Şotlandiyada doğulan, Fransa və Kot-d'İvuar vətəndaşlığı olan Çarles Bolinin "Araz-Naxçıvan"la 1 illik müqaviləsi var.