“Qarabağ”ın futbolçusu Abdellah Zübeyr (Abdellah Zoubir) UEFA Çempionlar Liqasının pley-off mərhələsində Macarıstanda “Ferensvaroş”a qarşı keçirəcəkləri oyundan əvvəl fikirlərini bölüşüb.

Prosport.Az xəbər verir ki, Ağdam klubunun kapitanı mətbuat konfransında bunları deyib:

“Ferensvaroş”un əzmkar və iddialı olduğunu bilirik. Daha əvvəl onlara qarşı oynamışıq. Matça hazırıq və inanıram ki, Bakıya yaxşı nəticə ilə qayıdacağıq".

Qeyd edək ki, sabah keçiriləcək "Ferensvaroş" – "Qarabağ" oyunu Bakı vaxtı ilə saat 23:00-da start götürəcək. Cavab qarşılaşması avqustun 27-də Tofiq Bəhramov adına Respublika stadionunda olacaq və saat 20:45-də başlayacaq.