“Qarabağ”ın baş məşqçisi Qurban Qurbanov UEFA Çempionlar Liqasının pley-off mərhələsində sabah Macarıstanda “Ferensvaroş”a qarşı keçirəcəkləri oyundan əvvəl fikirlərini bölüşüb.

Prosport.Az xəbər verir ki, mütəxəssis matçla bağlı bunları deyib:

– Yenidən burada olmaq xoşdur. Yaxşı komandaya qarşı vacib oyunumuz olacaq. Belə rəqibə qarşı oynamaq xoşdur. Çox istəkli komandayla qarşılaşacağıq. Baş məşqçiləri və futbolçuları Liqa mərhələsinə düşmək üçün istəklidir. Çalışmalıyıq ki, düzgün oynayaq və istəkli olaq. İnanıram ki, azarkeşlər oyundan razı qalacaq. Yaxşı oyunla yaxşı nəticə qazanmaq istəyirik.

– Əvvəlki matçlardan sonra indi komandalarda nələr dəyişib?
– Futbol dəyişir. Hər iki komandada dəyişikliklər var. İlk oyundan sonra bir-birimizi daha yaxşı tanıyacağıq. Sabahkı matçda sona qədər mübarizə aparmağı bacarmalıyıq.

– Sabah hansı oyun üslubu ilə oynayacaqsınız?
– “Ferensvaroş” sürətli hücuma keçməyi bacarır. Daha dinamik kollektivdir. Baş məşqçiləri həm sürətli, həm də mübariz oyun tələb edir. Topa daha çox sahib olmağa çalışacağıq. “Ferentsvaroş”un oyun üslubu elədir ki, çalışırlar, rəqibə topa sahib olmağa imkan verməsinlər. Bu tip rəqiblərə qarşı oynamışıq. Etiraf edək ki, bu kollektiv daha bacarıqlı və qabiliyyətlidir.

– 17 ildir ki, komandaya rəhbərlik edirsiniz. Bunu necə bacarırsınız?
– Sadəcə, məni dəyişmirlər. Ona görə 17 ildir ki, buradayam.

– Sabahkı oyunda ilkin məqsədiniz nə olacaq?
– Robi Kinin açıqlamasını oxumuşam. Deyir ki, hücum xəttimiz yaxşıdır və eyni zamanda qol da buraxmamalıyıq. Belə turnirlərdə qələbə qazanmaq istəyirsənsə, ilk oyunda qol buraxmamaq vacibdir. Buna baxmayaraq, daha baxımlı olmaq, nəticə vermək üçün yaradıcı olmalıyıq. İlk məqsədimiz yaradıcı olmaq, rəqibə qol vurmaqdır. Qol buraxmasaq, daha yaxşı olar. Amma istəyirik ki, hər oyun qol vura bilək. Azarkeşlər qollu oyunları çox sevir. Nəticə üçün çalışacağıq ki, həm burada, həm Bakıda maksimumu edək.

– Julio Homao (Julio Romao) və Kadi “Ferensvaroş”da oynayıb. Onlardan bu komanda haqda məlumat almısınız?
– Xeyr, belə şeyləri sevmirəm. Bu, qeyri-etikdir. Futbolçu sabiq klubuna sadiq ola bilər. Ona görə futbolçuları belə vəziyyətdə qoymaq istəmirəm. Özümüz rəqibi təhlil edib, məlumat toplamışıq.

– 2 oyun arasında istirahət üçün vaxtınız var?
– Premyer Liqada matçımız var.