II Liqada çıxış edən "Şəki Siti" klubu iddialı komandalardan biri olacaq.

Prosport.Az-ın xəbərinə görə, Futbolun İnkişaf Fondunun vasitəçiliyi ilə Xaçmazın "Xudat Siti" klubu ilə aparılan danışıqlar uğurlu başa çatıb.

Beləliklə, ötən mövsüm AFFA Region Liqasında çıxış etmiş, II Liqaya buraxılmamış "Xudat Siti"nin futbolçuları yeni mövsümdə "Şəki Siti" adından çıxış edəcək.

Qeyd edək ki, bu komandada ötən mövsüm "Haypers Quba" (indiki "Quba") komandasının kapitanı olmuş Cavid İmamverdiyev də çıxış edəcək.