"Zirə"nin yay təlim-məşq toplanışına qatılmadığı üçün Rəşad Sadıqovun əvəzedici heyətə göndərərək cəzalandırdığı Rafael Utziq Azərbaycanı tərk edib.

Prosport.Az sportinfo.az-a istinadən xəbər verir ki, braziliyalı bir müddət idi "Zirə"nin əvəzedici heyətində məşq edirdi.

Uzun çəkən danışıqlardan sonra klub onu buraxmağa razı olub. Utziq Vyetnama yollanıb. "Zirə" onun "Konq An" (Ho Çi Min) klubuna icarə əsasında gedişinə razılıq verib.

Artıq futbolçu düşərgəni tərk edərək Asiyaya köçüb.

29 yaşlı futbolçunun "Zirə" ilə müqavilə müddəti 2026-cı il iyunun 30-na qədər idi. O, "Zirə"dən əvvəl ölkəsində "Foz İquasu", "Kaskavel", "İpiranqa", "Sianorçi", "Parana", "Qəbələ" və "Çunqam Asan" (Cənubi Koreya) klublarında oynayıb.