Yeni mövsüm üçün "Kəpəz"in kapitanları məlum olub.

Prosport.Az xəbər verir ki, Gəncə təmsilçisinin əsas kapitanı müqaviləsini daha 1 illiyə yenilənmiş Əli Səmədov olacaq.

Ötən ildən "sarı-göylər"in şərəfini qoruyan malili yarımmüdafiəçi Mahamadu Ba və braziliyalı hücumçu Paçu isə vitse-kapitanlar kimi sarğını daşıyacaq.

Qeyd edək ki, son mövsümədək "Kəpəz"in kapitanı Qazaxıstanın "Tobol" klubuna keçən belaruslu mərkəz müdafiəçisi Yeqor Xvalko olub.