Bu gün Misli Premyer Liqasında "Sumqayıt"la səfər oyununa çıxacaq "Kəpəz" 8 yerli futbolçu ilə müqavilə bağlayıb. 

Prosport.Az xəbər verir ki, bunlardan 6-sı ilə müqavilə yenilənib.

Bunlardan Əli Səmədov, Məmməd Hüseynov, Elgün Bayramovla 1, Ümid Səmədov, Fərid Kələntərov və Arzu Atakişiyevlə 2 illik anlaşma imzalanıb. Əli son çempionatda 24 oyun keçirərək 1 qol vurub, eyni sayda assist edib. Məmməd Hüseynov 7 matçda "Kəpəz"in qapısını qoruyub. Ümid Səmədov isə 11 görüşdə meydana çıxıb.

Həmçinin, yeni mövsüm üçün heyətini komplektləşdirməyə davam edən komanda Raul Məmmədovla Elcan Əbilovu heyətinə cəlb edib. Mərkəz müdafiəçisi mövqeyində oynayan Raulun 21 yaşı var, U-21 millimizin üzvüdür. 20 yaşlı Elcan isə hücumameyilli yarımmüdafiəçidir. Hər iki oyunçu mövsümün sonuna kimi icarə əsasında "Kəpəz"in formasını geyinəcək.

Qeyd edək ki, Raul Məmmədov "Turan Tovuz"dan, Elcan Əbilov isə "Neftçi"dən icarəyə götürülüb. Raul ötən mövsümün 2-ci yarısını I Liqa klubu "Mingəçevir"də, Elcan isə "Neftçi"nin əvəzedici komandasında keçirib.