Azərbaycan Premyer Liqasının ilk turunun Şamaxıda keçirilən "İmişli" – "Turan Tovuz" görüşündə qorxulu anlar yaşanıb.

Prosport.Az-ın Şamaxıya ezam olunmuş əməkdaşı xəbər verir ki, matçın son dəqiqələrində meydan sahiblərinin 2 futbolçusu – belaruslu qapıçı Andrey Sinenko və braziliyalı mərkəz müdafiəçisi Cioqo Holo (Diogo Rollo) ciddi xəsarət alıb.

Bir-biri ilə toqquşan komanda yoldaşları başlarından aldığı zədədən yerdə qalıb. Bunlardan Sinenko oyuna davam edə bilməyib. Bununla belə, final fitinən sonra hər iki əcnəbi oyunçu təcili tibbi yardım maşını ilə Şamaxı şəhər xəstəxanasına aparılıb.

Qeyd edək ki, hər iki legioner ötən mövsüm də I Liqada komandanın uğurları üçün çalışıb.