“Şkendiya”nın futbolçusu Fabris Tamba özünə yeni komanda tapıb.

Prosport.Az xəbər verir ki, Çempionlar Liqasının III təsnifat mərhələsinin “Qarabağ”la görüşlərində effektiv performans göstərən və Qurban Qurbanovun diqqətini cəlb etdiyi iddia olunan seneqallı vinger Türkiyədə oynayacaq.

O, I Liqada mübarizə aparan “Amedspor”la anlaşıb. Tamba Bakıda keçirilmiş "Qarabağ" - "Şkendiya" (5:1) görüşündə komandasının yeganə qolunu vurmuşdu.

Futbolçu karyerası ərzində  “Sportinq Kovilya”, “Beyra-Mar”, “Braqa B" və “Şkupi” klublarında da çıxış edib.