UEFA Konfrans Liqasının III təsnifat mərhələsinin “Sabah”la cavab oyununda “Levski”nin ilk qolunun müəllifi olan Radoslav Kirilov fikirlərini bölüşüb.

Prosport.Az xəbər verir ki, bolqarıstanlı vinger Bakıda 2:0 hesablı qələbədən sonra yerli mətbuata açıqlamasında "Sabah"a daha çox qol vurmaq üçün kifayət qədər şans əldə etdiklərini bildirib:

"Hədsiz şadam ki, mərhələni keçə bildik. Hər iki görüşdə rəqibdən daha yaxşı oynadıq. İlk oyunda qol gec gəldi. Amma bu, əslində bizə faydalı oldu. Düşünürəm ki, komandamız hələ inkişaf etməlidir. Taktiki olaraq göstərişlərə əməl etdik. Rəqib qapısı qarşısında çoxlu qol vəziyyətləri yaratdıq və daha çox qol vura bilərdik, lakin bunlar da kifayətdir",

Xatırladaq ki, "Levski" Sofiyada keçirilən ilk görüdə "Sabah"a 1:0 hesabı ilə qalib gəlmişdi.