Azərbaycan millisinin hücumçusu Renat Dadaşovun formasını geyindiyi “Motor” klubunun futbolçularının Polşa çempionatının IV turunda “Lexiya” ilə oyundakı performansı qiymətləndirilib.

Prosport.Az xəbər verir ki, yalnız 2 oyunçu qiymətsiz qalıb. Onlardan biri də məhz Dadaşov olub.

O və komanda yoldaşı Pavel Stolarski görüşün yalnız son 10 dəqiqəsində meydanda olduğundan, hər ikisinin çıxışı qiymətləndirilməyib. Əvəzində sabiq “Neftçi”li olan qapıçı İvan Brkiç, həmçinin yarımmüdafiəçi İvo Rodriqes və hücumçu Karol Şubak ən yüksək qiymətə – 5 bala layiq görülüblər.

Qeyd edək ki, “Lexiya” – “Motor” oyunu 3:3 hesabı ilə yekunlaşıb.