“Araz-Naxçıvan”ın sabiq futbolçusu Mohammed Kadiri karyerasını yenidən Azərbaycanda davam etdirəcək.

Prosport.Az xəbər verir ki, qanalı yarımmüdafiəçi bu dəfə Premyer Liqa deyil, I Liqada çıxış edəcək.

29 yaşlı dayaq yarımmüdafiəçisi “Mingəçevir”lə anlaşıb. “Araz-Naxçıvan”dan ayrıldıqdan sonra ötən mövsümü Hindistanın "Mohamedan" klubunda keçirən və ciddi zədə ilə üzləşən futbolçunun tezliklə Azərbaycana gəlməsi gözlənilir. Yeni mövsümə iddialı başlamaq istəyən “Mingəçevir” isə Kadiri ilə danışıqları yekunlaşdırmaq üzrədir.

Qeyd edək ki, Mohammed Kadiri 2023/24 mövsümündə “Araz-Naxçıvan”ın heyətində Premyer Liqada 31 oyun keçirib, 3 qol vurub. O, "Dinamo" (Kiyev), "Arsenal" (Tula), "Austriya" (Vyana), "Honved" kimi komandalarda oynayıb.