"Zenit"də çıxış edən Azərbaycan millisinin futbolçusu Nigar Mirzəliyeva Rusiya çempionatında növbəti dəfə turun rəmzi komandasına düşüb.
Prosport.Az xəbər verir ki, müdafiəçi XVII turun "11-liy"inə seçilib.
O, "Rubin"ə səfərdə 3:1 hesabı ilə qalib gəldikləri qarşılaşmaya start heyətində başlayıb və görüşü əvəz olunmadan keçirib.
Qeyd edək ki, Nigar Mirzəliyeva X və XIII turda da həftənin rəmzi "11-liy"ində yer alıb.