Macarıstanın “Ferensvaroş” klubunun futbolçusu Qabor Szalai UEFA Çempionlar Liqasının pley-off mərhələsində “Qarabağ”a qarşı keçirəcəkləri oyunlar haqda danışıb.

Prosport.Az xəbər verir ki, 25 yaşlı müdafiəçi Azərbaycan çempionunun tanış rəqib olduğunu bildirib: “Avropa Liqasının qrup mərhələsinə vəsiqəni artıq təmin etmişik. Bu, bizim üçün əhəmiyyətli mərhələdir. Ancaq Çempionlar Liqasının əsas mərhələsinə yüksəlmək üçün daha bir mərhələ qalır. Pley-offdakı rəqibimiz “Qarabağ”la bir neçə il əvvəl qarşılaşmışıq və onların necə güclü komanda olduğunu bilirik. Lakin bu turnirdə irəliləmək istəyirik”.

Qeyd edək ki, “Qarabağ”la “Ferensvaroş” arasında ilk oyun avqustun 19-da Budapeştdə, cavab görüşü isə ayın 27-də Bakıda keçiriləcək.