"Qarabağ"ın heyətinə qatmaq istədiyi “Akademika Vizeu”nun futbolçusu Andre Klovis Portuqaliya II Liqasının ilk turunda dubl edib

Prosport.Az xəbər verir ki, braziliyalı hücumçu "Leyriya" ilə matçda 2 qol vurub. 90 dəqiqə meydanda olan 28 yaşlı forvard dubl etməsinə baxmayaraq, komandasını 2:3 hesablı məğlubiyyətdən xilas edə bilməyib.

Qeyd edək ki, braziliyalı hücumçunun Portuqaliya klubu ilə müqavilə müddəti 2028-ci il iyunun 30-na qədərdir. O, karyerası ərzində “İnternasional”, “Portimonenşe”, “Leyşoeş”, və “Eştoril” klublarında da oynayıb.