“Qəbələ” klubu İspaniya təmsilçisi “Real”ın (Madrid) yetirməsini heyətinə qatıb.

Prosport.Az xəbər verir ki, "qırmızı-qaralar” Xayme Syera ilə müqavilə imzalayıb.

27 yaşlı ispaniyalı mərkəz yarımmüdafiəçisi ilə 2 illik müqavilə imzalanıb. O, iti ilə Qəbələyə gəlib.

Xayme Syeranın son klubu Xorvatiya təmsilçisi “Varajdin” olub. Yeniyetmə yaşlarında “Karabançel”, “Real” və “Valensiya”da çıxış edən yarımmüdafiəçi peşəkar karyerasında vətənində “Leqanes”, “Loqronyes”, “Kultural Leonesa”, “Atletiko Baleares”, Belçikada “Deinze” klublarında forma geyinib.

Qeyd edək ki, “Qəbələ” bunadək Pirins Ovusu, Paulo Qimbila, İsaak Amoah, Adriel Ba Lua, Eduardo Kunde və İbrahim Sanqareni heyətinə qatıb.