Almaniyanın “Kayzaslautan” (Kaiserslautern) klubunda çıxış edən Mahir Emreli II Bundesliqada “Şalke 04”ə qalib gəldikləri oyunun asan olmadığını bildirib.

Prosport.Az xəbər verir ki, Azərbaycan millisinin futbolçusu bu barədə sosial şəbəkə hesabında paylaşım edib.

Forvard II turun qarşılaşmasında onlara dəstək olan azarkeşləri də unutmayıb: “İlk qələbə heç vaxt asan əldə olunmur. Lakin inanılmaz dərəcədə vacibdir. Böyük dəstəyə görə təşəkkür edirəm”.

Qeyd edək ki, Mahir Emreli “Şalke 04”ə 1:0 hesabı ilə qalib gəldikləri matça (55-ci dəqiqədə Marlon Rita penaltidən fərqlənib) ilk “11-lik”də başlayıb və 72-ci dəqiqədə finlandiyalı yarımmüdafiəçi Naatan Skitta ilə əvəzlənib. Onun komandası hazırda 2 turdan sonra 3 xalla 10-cu sıradadır.