“Neftçi” klubu Fransa təmsilçisi “Monpelye”də çıxış edən Falaye Sakonu sərbəst futbolçu kimi heyətinə qatıb.

Prosport.Az xəbər verir ki, “ağ-qaralar” 30 yaşlı sağ cinah müdafiəçisinin keçidini açıqlayıb.

Sako “Monpelye” ilə müqaviləsini qarşlıqlı razılıq əsasında ləğv edib. O, ötən ilin iyunun 6-da Qana ilə oyuna Mali millisini kapitan kimi çıxarıb. Sako Mali millisinin heyətində 42 matçda meydana çıxıb, 2 qol vurub. Onunla 2+1 illik anlaşma əldə edilib.

Qeyd edək ki, Falaye Sako 2023-cü ildən “Monpelye”nin formasını geyinib. Komanda ötən mövsüm Liqa 1-də 16 xalla sonuncu olub və aşağı liqaya düşüb. O, Malinin "Coliba", Macarıstanın "Uypeşt", Belçikanın "Sent-Trüyden", Portuqaliyanın "Vitoria di Qimaraynş", Fransanın "Sent-Etyen" komandalarında da çıxış edib.